Կազմակերպության մասին
«Իրավաբանների հայկական ասոցիացիա» հասարակական կազմակերպությունը ստեղծվել է 1995թ.-ին: Իրավաբանների հայկական ասոցիացիայի ստեղծման հիմնական նպատակն էր համախմբել նոր սերնդի իրավաբանների ներուժը և աջակցել Հայաստանի կայացմանը, որպես անկախ, ժողովրդավարական, իրավական պետություն: Կազմակերպությունն իրականացնում է ժողովրդավարության, քաղաքացիական հասարակության, մարդու իրավունքների հակակոռուպցիոն և օրենքի գերակայության խթանմանն ու ուժեղացմանն ուղղված բազմաթիվ ծրագրեր: Կազմակերպության մասին մանրամասներին կարող եք ծանոթանալ կազմակերպության https://armla.am/ պաշտոնական կայքում:
Ծրագրի մասին
«Բյուջեներ քաղաքացիների համար» ծրագիրը իրականացվում է «Իրավաբանների հայկական ասոցիացիա» ՀԿ-ից (ղեկավար կազմակերպություն), «Տնտեսական զարգացման և հետազոտությունների կենտրոն» և «Ագորա Սենթրլ Յուրոփ» ՀԿ-ներից (համաիրականացնող կազմակերպություններ) բաղկացած կոնսորցիումի կողմից` Եվրոպական Միության կողմից տրված դրամաշնորհի շրջանակներում: Ծրագրի նպատակն է՝ քաղաքացիական հասարակության մասնակցությամբ խթանել Հայաստանում ներառական և թափանցիկ բյուջետային գործընթացին և նպաստել պետական բյուջետային գործընթացներին քաղաքացիական հասարակության ուժեղացված մասնակցությանը։ «Բյուջեներ քաղաքացիների համար» ծրագիրը իրականացվում է Երևանում և ՀՀ մարզերում: Ծրագրի տևողությունը 4 տարի է:
Մրցույթի նպատակը
«Իրավաբանների հայկական ասոցիացիա» հասարակական կազմակերպությունը հայտարարում է ՔՀԿ-ների կողմից բյուջետային տեղեկատվության տեղեկացվածության, կարիքների և օգտագործման ելակետային գնահատման ծառայության N Տ 2 ծածկագրով գնման մրցույթ, որի հիմնական նպատակն է «Բյուջեներ քաղաքացիների համար» ծրագրի շրջանակներում գնահատել ՔՀԿ-ների բյուջետային, շահերի պաշտպանության և այլ հարակից ոլորտների կարողությունները` ծրագրի շահառու ՔՀԿ-ների վերոնշյալ կարողությունները ուժեղացնելու և զարգացնելու համար: Գնահատումը պետք է իրականացվի շուրջ 80-ից 100 ՔՀԿ-ների շրջանում, միաժամանակ՝ ընտրանքի միջոցով գնահատմանը ներգրավելով այդ ՔՀԿ-ների շրջանակից այն ՔՀԿ-ներին, որոնք գործում են արդարադատության, սոցիալական ապահովության, կրթության և գյուղատնտեսության ոլորտներում։
Հետաքրքրված անձինք կարող են մինչև 2023 թվականի հունվարի 21-ը, ժամը՝ 18.00-ը ներառյալ, հայտը և անհրաժեշտ փասատթղթերը ուղարկել [email protected] էլեկտրոնային փոստի հասցեին կամ դրանք փակ ծրարով ներկայացնել Երևան, Նալբանդյան 7, գրասենյակային տարածք 2 հասցեում գտնվող «Իրավաբանների հայկական ասոցիացիա» հասարակական կազմակերպությանը:
Մրցույթում հաղթած անձի հետ «Իրավաբանների հայկական ասոցիացիա» հասարակական կազմակերպությունը կկնքի ծառայությունների վճարովի մատուցման պայմանագիր:
«Բյուջեներ քաղաքացիների համար» ծրագիրը ազատված է ԱԱՀ-ից, որի վերաբերյալ գնման մրցույթում հաղթող անձին կտրամադրվի հարկազատման տեղեկանք:
Գնման մրցույթի մանրամասները կարող եք գտնել ստորև ներկայացված փաստաթղթերում.
Շահերի բախման բացակայության մասին հավաստագիր: