Հիմնադրվեց Հակակոռուպցիոն կոալիցիա

Այսօր տեղի ունեցավ Հակակոռուպցիոն կոալիցիայի հիմնադրման և ՀՀ 2014-2018թթ. հակակոռուպցիոն ռազմավարության նախագծի հանրային քննարկմանը նվիրված միջոցառում:

Ծրագրի հիմնական նպատակը, ըստ «Հայաստանի երիտասարդ իրավաբանների ասոցացիա» ՀԿ նախագահ և «Կոռուպցիայի դեմ պայքարի բազմակողմանի խթանում» ծրագրի ղեկավար Կարեն Զադոյանի, մեծացնել քաղաքացիական հասարակության դերը հակակոռուպցիոն բարեփոխումների իրականացման գործում:

Ծրագրի շրջանակներում կհզորացվեն ՔՀԿ-ների և ԶԼՄ -ների մոնիթորինգի և վերահսկողության կարողությունները: Կկազմակերպվեն հակակոռուպցիոն դասընթացներ ՀՀ մարզերում ՔՀԿ-ների և ԶԼՄ-ների համար` կոռուպցիոն բնույթի և տեղեկատվության ազատության խնդիրներն առավել լավ ըմբռնելու համար:

Այս միջոցառումների նպատակը հակակոռուպցիոն գործողությունների իրականացման առկա հնարավորությունների խորացումն է: Հանրային վերահսկողության արդյունավետության բարձրացման և համապատասխան մոնիթորինգային, վերահսկողական և հետաքննական ծրագրերի իրականացման նպատակով կտրամադրվեն փոքր դրամաշնորհներ: Հակակոռուպցիոն ինստիտուցիոնալ մեխանիզմների ամրապնդման համար ՔՀԿ-ների մասնակցությամբ կմշակվի ՔՀԿ-կառավարություն կայուն երկխոսություն:

https://www.aysor.am/am/news/2014/11/28/%D5%80%D5%AB%D5%B4%D5%B6%D5%A1%D5%A4%D6%80%D5%BE%D5%A5%D6%81-%D5%80%D5%A1%D5%AF%D5%A1%D5%AF%D5%B8%D5%BC%D5%B8%D6%82%D5%BA%D6%81%D5%AB%D5%B8%D5%B6-%D5%AF%D5%B8%D5%A1%D5%AC%D5%AB%D6%81%D5%AB%D5%A1/878350