ՀՀ ֆինանսների նախարար Վարդան Արամյանի գլխավորությամբ ֆինանսների նախարարությունում տեղի է ունեցել հանդիպում հասարակական կազմակերպությունների ներկայացուցիչների հետ, որին մասնակցում էր Հայաստանի ՔՀԿ-ների հակակոռուպցիոն կոալիցիան՝ ի դեմս Իրավաբանների հայկական ասոցիացիայի։
Հանդիպման ընթացքում քննարկվել են 2017 թվականի նախարարության իրականացրած, ինչպես նաև 2018 թվականին նախատեսվող այն գործողություններն ումիջոցառումները, որոնք միտված են գնման ընթացակարգերն ավելի պարզ և թափանցիկ դարձնելուն, մասնավորապես՝ գնման գործընթացների կազմակերպման օրենսդրության կիրարկման ընթացքում ի հայտ եկած երեք խումբ խնդիրներ, որոնց լուծման նպատակով նախաձեռնվել է «Գնումների գործընթացի կազմակերպմանմասին» ՀՀ կառավարության 2017թ. N 526-Ն որոշման մեջ փոփոխություններ նախաձեռնելու գործընթաց:
Հարկ է ընդգծել, որ առաջարկվող երեք խումբ բարեփոխումներից երկուսը բարձրաձայնվել են Հայաստանի ՔՀԿ-ների հակակոռուպցիոն կոալիցիայի կողմից՝ ի դեմս Իրավաբանների հայկական ասոցիացիայի՝ ՀՀ ֆինանսների փոխնախարար Կարեն Թամազյանի և Պետական ներքին ֆինանսական հսկողության և պետական գնումների մեթոդաբանության վարչության պետ Սերգեյ Շահնազարյանի հետ «առանց փողկապի» ձևաչափով իրականացվող հանդիպումների ընթացքում, որոնք կազմակերպվել էին Գերմանիայի միջազգային համագործակցության ընկերության ֆինանսավորմամբ գործարկվող և Ինֆորմացիոն տեխնոլոգիաների ձեռնարկությունների միության, Իրավաբանների հայկական ասոցիացիայի և Եվրոպական բիզնես ասոցիացիայի հետ համատեղ կոնսորցիումի հետ համագործակցությամբ իրականացվող «Փաստերի վրա հիմնված բարեփոխումների ջատագովություն» ծրագրի շրջանակներում։ Վերոնշյալ առաջարկները ներկայացվել են ՀՀ կառավարություն՝ զետեղված «Բարենպաստ բիզնես միջավայր․մարտահրավերներ և առաջարկություններ» զեկույցում։
Առաջարկությունները վերաբերվում են տենդերների ժամանակ փաստաթղթերի ներկայացման պրակտիկ խնդիրների լուծմանը և գնումների գնահատող հանձնաժողովների գործունեության կարգավորմանը։ Մասնավորապես, մինչև 70 միլիոն արժեք ունեցող տենդերների դեպքում հայտի ապահովման ներկայացման պահանջը նախատեսվում է հանել: Այդ խնդրի վերաբերյալ առավել մանրամասն ներկայացված է Իրավաբանների հայկական ասոցիացիայի կողմից իրականացված լրագրողական հետաքննությունում, որը հասանելի է հետևյալ հղմամբ՝ https://bizprotect.am/am/news/show/17, որի հետևանքով շուրջ 1,5 միլիոն դրամի կորուստ է տեղի ունեցել ՀՀ պետական բյուջեից։ Հետևաբար, նշյալ բարեփոխումները կնպաստեն փոքր և միջին բիզնեսի զարգացմանը, դրանց ոչ խտրական հիմունքներով կազմակերպմանը, ազատ մրցակցության աճին և պետական բյուջեի խնայմանը։
Հանդիպման ավարտին նախարար Վարդան Արամյանն իր գոհունակությունն է հայտնել քննարկման մասնակից հասարակական կազմակերպություններիներկայացուցիչներին նախաձեռնությունների և համագործակցության համար:
Լուսանկարը https://www.minfin.am կայքից։