Հակակոռուպցիոն և բարեխղճության աշնանային դպրոցին կարող են դիմել կոռուպցիայի դեմ պայքարով և բարեխղճության սկզբունքների տարածման հիմնախնդիրներով հետաքրքրված երիտասարդ իրավաբանները, Հայաստանի Հանրապետության ԲՈՒՀ-երի իրավաբանական ֆակուլտետների երրորդ և բարձր կուրսերի, ինչպես նաև մագիստրոսական ծրագրերով սովորող ուսանողները:
Ցանկացողները պետք է ուղարկեն անհրաժեշտ փաստաթղթերը՝ հետևյալ հասցեով [email protected]:
Դպրոցին մասնակցելու համար անհրաժեշտ է ուղարկել`
1. Սահմանված ձևի լրացված դիմումը:
2. Ինքնակենսագրություն (CV) հայերեն:
3. Հետաքրքրության նամակ, մինչև 300 բառ (ներկայանելով ձեր նախկին փորձառնությունը, ինչո՞ւ եք ցանկանում մասնակցել Դպրոցին և ի՞նչ ակնկալիքներ ունեք):
4. Ուսանողական տոմսերի, դիպլոմների պատճեները:
5. Անձնագրի պատճեն:
Հակակոռուպցիոն և բարեխղճության աշնանային դպրոցն անցկացվելու է 2014 թվականի հոկտեմբերի 16-21-ը ներառյալ, Ծաղկաձորում:
Կազմակերպիչները հոգում են մասնակիցների՝
1. Ճանապարհածախսը Երևանից դեպի Ծաղկաձոր, և Ծաղկաձորից վերադարձ դեպի Երևան:
2. Հյուրանոցում ապրելու ծախսերը:
3. 3 անգամյա սնունդը /նախաճաշ, ճաշ, ընթրիք/:
4. Դասընթացի հետ կապված նյութերը:
Հայտերն ընդունվում են մինչև 2014 թվականի հոկտեմբերի 10-ը, ժամը 17:00-ը:
Մասնակիցների ընտրությունը մրցութային հիմունքներով է: Միայն երկրորդ՝ բանավոր փուլ անցած մասնակիցները կարող են հավակնել մասնակցելու Հակակոռուպցիոն և բարեխղճության առաջին դպրոցին: Երկրորդ փուլը անցկացվելու է բանավոր՝ հարցազրույցի տեսքով:
Մրցույթն անցած մասնակիցներից, անհրաժեշտության դեպքում, կազմակերպիչները կարող են պահանջել նախկինում ուղարկված փաստաթղթերի բնօրինակները:
Լրացուցիչ տեղեկությունների համար կարող եք զանգահարել հետևյալ հեռախոսահամարներով՝ 54-01-99, 58-02-99:
Հակակոռուպցիոն և բարեխղճության աշնանային դպրոցի կազմակերպիչներն են՝
ԵԱՀԿ երևանյան գրասենյակը,
«Հայաստանի երիտասարդ իրավաբանների ասոցիացիա» հասարակական կազմակերպությունը,
«Հայաստանի երիտասարդ իրավաբանների ասոցիացիա» հասարակական կազմակերպության Իրավաբան ուսանողների բաժանմունքը:
Մասնակիցների թիվը սահմանափակ է: Ընդհանուր թվով կմասնակցեն 20 հոգի, որից մինչև 10-ը կընտրվեն մրցութային կարգով:
Դիմումի ձևը հասանելի է այստեղ:
