Եվրոպական միության և «Բաց կառավարման գործընկերություն․ Եվրոպա» հիմնադրամի օժանդակությամբ իրականացվող «Ազդարարման բազմակողմանի խթանում Հայաստանում» ծրագրի շրջանակներում կազմակերպվում է ազդարարման վերաբերյալ նկարչական և շարադրությունների մրցույթներ։
Նկարչական մրցույթի խորագիրն է՝ «Պատկերի՛ր ճշմարտությունը», իսկ շարադրությունների մրցույթինը՝ «Պատմի՛ր ճշմարտությունը»։
Մրցույթների նպատակն է բարձրացնել պատանիների և երիտասարդների ներգրավվածությունը ազդարարման համակարգի զարգացման և դրա վերաբերյալ ճիշտ ընկալումների ձևավորման գործում։
Մրցույթին հրավիրվում են մասնակցել ավագ դպրոցների ստեղծագործ աշակերտները և ուսանողները։
Նկարչական մրցույթի շրջանակներում մասնակիցները պետք է ներկայացնեն իրենց կողմից նկարված յուրօրինակ նկարները «Պատկերի՛ր ճշմարտությունը» խորագրով, իսկ շարադրությունների մրցույթի մասնակիցները՝ սեփական մտքի շարադրանքը «Պատմի՛ր ճշմարտությունը» խորագրով։
Աշխատանքների գնահատման չափանիշները և տեխնիկական այլ մանրամասները ներկայացված են ստորև։
Մրցույթների գրանցման վերջնաժամկետն է՝ նոյեմբերի 10-ը, ժամը 23։59։
«Պատկերի՛ր ճշմարտությունը» նկարչական մրցույթին կարող եք գրանցվել այստեղ, իսկ «Պատմի՛ր ճշմարտությունը» շարադրությունների մրցույթին՝ այստեղ։
Աշխատանքների ներկայացման վերջնաժամկետն է՝ դեկտեմբերի 3-ը, ժամը 23։59։
Մրցույթի արդյունքները ամփոփվելու են դեկտեմբերի 9-ին՝ կոռուպցիայի դեմ պայքարի միջազգային օրվան նվիրված միջոցառմանը, որին կհրավիրվեն մասնակցելու մրցույթների մասնակիցները, իսկ լավագույն աշխատանքների հեղինակները կպարգևատրվեն մրցանակներով։
ԳՆԱՀԱՏՄԱՆ ՉԱՓԱՆԻՇՆԵՐ
Նկարչական մրցույթի գնահատման չափանիշներ
| Չափանիշ |
Գրավչություն Գնահատվում է նկարի ոճային և գունային ակնահաճո լուծումը |
Նորարարություն Գնահատվում է թե որքանով է աշխատանքը նորարար (արդյո՞ք այն հանդիսանում է կրկնօրինակ) |
Բովանդակություն Գնահատվում է աշխատանքի միջոցով հանրությանը ուղերձ հասցնելու կարողությունը |
Ընդամենը |
| Միավոր | 2 | 3 | 5 | 10 |
Շարադրությունների մրցույթի գնահատման չափանիշներ
| Չափանիշ |
Լեզու Գնահատվում է, թե որքանով է աշխատանքի շարադրանքը գրական հայերենով |
Ծավալի և բովանդակության հարաբերակցություն Գնահատվում է, թե որքանով է բուն ասելիքը շարադրանքի միջոցով հստակորեն տեղ հասցվում |
Բովանդակություն Գնահատվում է, թե որքանով է հեղինակն իր սեփական տեսակետը և առաջարկները ներկայացնում |
Ընդամենը |
| Միավոր | 2 | 3 | 5 | 10 |
ՏԵԽՆԻԿԱԿԱՆ ՉԱՓԱՆԻՇՆԵՐ
Նկարչական մրցույթի աշխատանքները պետք է համապատասխանեն հետևյալ տեխնիկական չափանիշներին․
1. Նկարված A3 չափի թղթի վրա
2. Նկարված ձեռքով նկարված, այլ ոչ թե արտատպված կամ տպված
3. Համապատասխանեն և բխեն բացառապես մրցույթի խորագրից
4. Կարող են օգտագործվել ցանկացած տեսակի նկարչական նյութեր (մատիտ, յուղամատիտ, ջրաներկ և այլն)։
Շարադրությունների մրցույթի աշխատանքները պետք է համապատասխանեն հետևյալ տեխնիկական չափանիշներին․
1. Լինեն առավելագույնը 2 էջի սահմաններում։
2. Կարող են լինեն և՛ համակարգչով հավաքած, և՛ ձեռագիր տարբերակներով։
Աշխատանքները պետք է ուղարկել [email protected] էլ․ հասցեին՝ նամակի առարկային հատվածում նշելով մրցույթի խորագիրը և աշխատանքի հեղինակի անունը և ազգանունը։
Ընդունվում են տպագիր և ձեռագիր շարադրություններ։ Ձեռագիր շարադրությունները ներկայացնել Word, PDF, JPEG ֆորմատներով։
Նկարչական մրցույթի համար ներկայացնել նկարը JPEG տարբերակով, որի խտությունը պետք է լինի առնվազն 600 dpi:
Միաժամանակ, մրցույթի կազմակերպիչները ցանկացած ժամանակ կարող են պահանջել մասնակիցներին ներկայացնել աշխատանքների բնօրինակները։
Լրացուցիչ հարցերի դեպքում կարող եք զանգահարել +37410 54 01 99 հեռախոսահամարով։
Մրցույթին մասնակցել ցանկացողները կարող են ազդարարման մասին ավելի մանրամասն ուսումնասիրել այստեղ․