Հուլիսի 21-ին առցանց եղանակով կայացավ Իրավաբանների հայկական ասոցիացիայի (այսուհետ՝ ԻՀԱ) խորհրդի նիստը: Նիստը նախագահում էր ԻՀԱ-ի նախագահ Կարեն Զադոյանը:
Խորհրդի նիստի ընթացքում ԻՀԱ-ի նախագահը ներկայացրեց ԻՀԱ-ի 2020 թ.-ի գործունեության հաշվետվությունը, պատասխանեց խորհրդի անդամների հարցերին և ծավալվեց մտքերի քննարկում, որից հետո խորուհրդը հաստատեց հաշվետվությունը:
Այնուհետև, ԻՀԱ-ի խորհրդի միաձայն որոշմամբ իրավաբան, Առաջատար տեխնոլոգիաների ձեռնարկությունների միության գործադիր տնօրենի ժամանակավոր պաշտոնակատար Արկադի Սահակյանը անդամագրվեց կազմակերպությանը և համալրեց ԻՀԱ-ի շարքերը:
Հաջորդիվ Կարեն Զադոյանը ներկայացրեց ԻՀԱ-ի անդամների մասնագիտական կարողությունների զարգացմանն ուղղված թեմատիկ դասընթացների առցանց հարցման ացկացման նաախձեռնությունը, դրա գործընթացն ու հարցաթերթիկի բովանդակությունը: Խորհուրդը որոշեց մեկ շաբաթյա ժամկետում ԻՀԱ-ի անդամներից ստանալ մասնագիտական դասընթացների թեմաների ցանկը, հաստատել այն և առաջարկել ԻՀԱ-ի աշխատակազմին կազմակերպել դասընթացները:
Խորհրդի նիստի վերջինը հարցը վերաբերում էր ԻՀԱ-ի 2020-2023 թվականների ռազմավարական պլանի իրականացման ընթացքին: ԻՀԱ-ի նախագահի զեկույցից հետո, ելույթներ ունեցան խորհրդի անդամներ Մարատ Ատովմյանը, Արփինե Եղիկյանը, Զարուհի Հարությունյանն ու Գոհար Ղազինյանը, որոնք կարևորեցին, որ ԻՀԱ-ն իր մասնագիտական կարողություններով ի վիճակի է ամբողջապես իրականացել այս հավակնոտ ռազմավարական պլանով նախատեսված բոլոր գործողությունները:
ԻՀԱ-ի 2020-2023 թվականների ռազմավարական պլանով նախատեսվում է նաև բարձրացնել իրավաբանի մասնագիտության ստանդարտներն ու իրավաբանի մասնագիտության նկատմամբ հանրային վստահությունը, որի շրջանակներում կիրականացվի ՀՀ իրավաբանական ԲՈՒՀ-երի ուսումնառության ստանդարտների ու կրթական ծրագրերի, ինչպես նաև` ակադեմիական ազնվության ստանդարտների պահպանման տեսանկյունից, վերջին տարիներին ՀՀ-ում իրավագիտության ոլորտում գիտական կոչումների շնորհման գործընթացի ու բովանդակության մշտադիտարկումը և բարեփոխումները:
ԻՀԱ-ի խորհրդի նիստին մասնակցում էինք խորհրդի բոլոր 7 անդամները` Կարեն Զադոյանը, Արփինե Եղիկյանը, Մարատ Ատովմյանը, Կարեն Քոչարյանը, Քարլ Ուլբրխտը, Գոհար Ղազինյանը և Զարուհի Հարությունյանը: Խորհրդի նիստը բաց էր, որին մասնակցում էին ԻՀԱ-ի գործադիր տնօրեն Արտակը Սարիբեկյանն ու ԻՀԱ-ի այլ անդամներ: