2020 թ.-ի հունիսի 24-ին, ԲԿԳ անկախ հաշվետվողական մեխանիզմիը գործընկերների հետ համատեղ կազմակերպեցին ՝ «Ո՞րն է բաց կառավարման ապագան Արևելյան գործընկերության երկրներում» թեմայով վեբինար, որի նպատակն էր քննարկել Արևելյան գործընկերության Երկրից Բաց Կառավարության գործողությունների ազգային ծրագրերի ԱՀՄ գնահատումների վերջին արդյունքները և առաջարկությունները: Միջոցառմանը մասնակցում էր նաև ԻՀԱ ներկայացուցիչ Մարիամ Զադոյանը:
Հիմնված լինելով վերջին տարիներին Հայաստանի, Վրաստանի, Մոլդովայի և Ուկրաինայի ԱՀՄ վերջին զեկույցներում հայտնաբերված ընդհանուր միտումներից և տարածաշրջանում ԲԿԳ գործընկերների աշխատանքից`վեբինարը նվիրված էր կոռուպցիայի դեմ պայքարի և քաղաքացիակենտրոն հանրային ծառայություններին, որպես այն ոլորտների, որտեղ տարածաշրջանի երկրները կարող են անհատական և հավաքական առաջընթաց գրանցել հիմնվելով ԲԿԳ երկրների անցյալ գործողություններին և լավագույն փորձին։
Բանախոսների թվում էին․ Եվրահանձնաժողովի Հարևանության և ընդլայնման բանակցությունների գլխավոր տնօրինության բաժնի պետ Մաթյե Բուսկեն, հասարակական կազմակերպությունների միջազգային փորձագետների խմբի ներկայացուցիչ Ջեֆ Լովիթը, ԲԿԳ ԱՀՄ փոխտնօրեն Թինաթին Նինուան, Բաց պայմանագրային գործընկերության (Արևելյան Եվրոպա և Կենտրոնական Ասիա) ավագ մենեջեր, Integrity Action-ի գլխավոր գործադիր տնօրեն Յասմինա Հեյնեսը, ՏՀԶԿ Հակակոռուպցիոն ցանցի ներկայացուցիչ Ռուսուդան Մեխելիձեն, ԱՀՄ Հայաստանյան հետազոտող Տաթևիկ Մարգարյանը, Մոլդովայից ԱՀՄ հետազոտող Դիանա Միրզա Գրիսկոն, Տեղեկատվության ազատության զարգացման ինստիտուտի (IDFI) հիմնադիր, ԲԿԳ ղեկավար հանձնաժողովի ներկայացուցիչ Գիորգի Կիդիաշվիլին։ Վեբինարի ընթացքում կազմակերպվեց հարցում տարածաշրջանում այս ոլորտի ամենակարևոր բաղադրիչի վերաբերյալ, և մասնակիցների կեսից ավելին համաձայնվեցին, որ դատական համակարգը մի ոլորտ է, որտեղ հիմնականում անհրաժեշտ է միջամտություն:
Մասնակիցները խոսեցին այս առաջարկությունների առաջ տանելու մարտահրավերների և հնարավորությունների մասին: Մարիամ Զադոյանը այս կապակցությամբ նշեց, որ անհրաժեշտ է նաև կենտրոնանալ բաց արձագանքման միջոցառումների վրա, ինչպիսիք են արդարադատության մատչելիությունը բարելավող հանձնառությունների ներդրումը, ինչպես նաև խթանում են բաց և պատասխանատու արդարությունը: «Էլեկտրոնային արդարադատության միասնական համակարգի ներդրումը» ներկայումս հրամայական է, համաճարակի ժամանակ արդարադատության մատչելիությունը ապահովելու համար՝ կենտրոնանալով արդարադատության ծառայությունների հեռահար եղանակով մատուցման վրա (օրինակ `փաստաթղթերի առցանց ներկայացման ընթացակարգեր, դատական գործընթացների անցկացման հնարավորություններ հեռախոսային կամ հնարավորության դեպքում վիդեոկոնֆերանսի միջոցով): Մյուս մասնակիցները համաձայնեցին այս տեսակետին ՝ նշելով, որ անհրաժեշտ էր տարածաշրջանը նախապատրաստել ճգնաժամերին:
Վերջում մասնակիցները շնորհակալություն հայտնեցին վեբինարի կազմակերպիչներին այսպիսի տեղեկատվական և համապարփակ միջոցառում կազմակերպելու համար: