2014 թվականի մայիսի 30-ին Հայաստանի երիտասարդ իրավաբանների ասոցիացիայի կենտրոնական գրասենյակում կայացավ Հայաստանի Ջեսափի ակումբի նիստ: Նիստի ընթացքում ջեսափականները քննարկեցին Ջեսափի մրցույթի կազմակերպական զարգացմանն ուղղված միջոցառումների կազմակերպումը, մրցույթի ազգային մրցափուլը անգլերեն լեզվով անցկացնելու հնարավորությունը և հնարավոր ռիսկերը, Մրցույթի ընթացքում միջազգային-իրավական մասնագիտացում ունեցող դատավորների ներգրավման անհրաժեշտությունը, ինչպես նաև թիմերի մարզիչների և իրավաբան ուսանողների մասնագիտական հմտությունների բարձրացման նպատակով մարզերում իրազեկման սեմինարներ և մասնագիտական ուսուցումներ անցկացնելու կարևորությունը:
Ակումբի հերթական նիստը կազմակերպել էր Հայաստանի Ջեսափի ակումբը՝ Հայաստանի երիտասարդ իրավաբանների ասոցիացիայի, Հայաստանի իրավաբանական հիմնադրամի և «ԼԻԳԼ ԸԼԱՅԸՆՍ» իրավաբանական ընկերությանն աջակցությամբ:
